2020 jyly Ulttyq bank qandaı valıýtalyq saıasatty júrgizedi

NUR-SULTAN. QazAqparat – Valıýtalyq saıasat salasynda Ulttyq bank erkin ózgermeli aıyrbastaý baǵamy rejimin saqtaıdy. Úkimettiń keńeıtilgen otyrysynda QR Ulttyq bankiniń tóraǵasy Erbolat Dosaev málim etti, dep habarlaıdy QazAqparat tilshisi.

«Valıýtalyq saıasat salasynda Ulttyq Bank erkin ózgermeli aıyrbastaý baǵamy rejimin saqtaıdy. Sizdiń tapsyrmańyzǵa sáıkes, júrgizilip otyrǵan saıasattyń aıqyndylyǵyn jáne oǵan degen senimdi arttyrý úshin 2020 jyly Ulttyq bank Ulttyq qordan bólingen transfertterdiń jáne aktıvterdi valıýta naryǵynda júrgizgen konvertatsııalaý kólemin turaqty negizde jarııalaıtyn bolady», - dedi E. Dosaev Memleket basshysyna.

Onyń sózine qaraǵanda, valıýta naryǵyndaǵy teńgerimsizdik máselesin sheshý úshin Úkimettiń, jergilikti atqarýshy organdardyń, «Atameken» UKP-tyń 2019 jylǵy ıgerý nátıjesin jáne qarqynyn eskere otyryp, eksportty odan ári ártaraptandyrý jáne ımportty almastyrý boıynsha birlesken sátti jumysy mańyzdy bolyp sanalady.

«Elbasy bastamashylyq etken «qarapaıym zattar ekonomıkasy» jáne «7-20-25» baǵdarlamalaryn iske asyrý jumysyn kúsheıtý qajet. Ulttyq bank óz tarapynan qoldaýdy qajetti kólemde kórsete bermek», - dep túıdi Erbolat Dosaev.