2020 jyly Úkimet 17 zań jobasyn ázirleıdi
«Ádilet mınıstrligi Zań jobalaý qyzmeti máseleleri jónindegi vedomstvoaralyq komıssııa múshelerimen birlesip, Úkimettiń zań jobalaý jumystarynyń 2020 jylǵa arnalǵan jospar jobasyn ázirledi. Jospar jobasy memleket basshylyǵynyń tapsyrmalary jáne strategııalyq qujattarda aıqyndalǵan mindetter negizinde ázirlendi. Jospar jobasy kelesi jyly 17 zań jobasyn ázirleýdi kózdeıdi. Ázirlenetin zań jobalary ártúrli salalardy odan ári damytýǵa baǵyttalǵan», - dedi mınıstr.
Mysaly, onyń aıtýynsha, zań jobalary áleýmettik qamsyzdandyrý, dene shynyqtyrý jáne sport, áskerı qyzmet jáne arnaıy memlekettik organdar qyzmetkerleri men áskerı qyzmetshilerdiń turǵyn úı qatynastary sııaqty máseleler. Aldaǵy jyly «Erekshe taýarlardy baqylaý týraly», «Ósimdikter álemi týraly» jáne «Ardagerler týraly» jańa jekelegen zań jobalaryn ázirleý kózdelip otyr.
«Jospar jobasynda Memleket basshysynyń Qazaqstan halqyna Joldaýyn, sondaı-aq Prezıdenttiń saılaýaldy baǵdarlamasyn iske asyrýǵa baǵyttalǵan birqatar zań jobalar da kózdelgen. Olar: memlekettik satyp alý, dene shynyqtyrý jáne sport, aýdandyq, qalalyq jáne aýyldyq deńgeıdegi bıliktiń derbestigi men jaýapkershiligin keńeıtý máseleleri boıynsha zań jobalar», - dedi ol.
Mınıstr dereginshe, ázirlenetin zań jobalarynyń eń kóbi - Indýstrııa jáne ınfraqurylymdyq damý mınıstrligi men Eńbek jáne halyqty áleýmettik qorǵaý mınıstrligine tıesili. Árqaısysy 3 zań jobasynan ázirleıdi. Qarjy, Ulttyq ekonomıka, Syrtqy ister, Mádenıet jáne sport, Geologııa jáne tabıǵı resýrstar, mınıstrlikteri 2 zań jobasynan ázirleıtin bolady. Qorǵanys mınıstrligi 1 zań jobasyn ázirleıdi.