2020 jyly turǵyndardyń 720 myń ótinishi qaraldy – Bolat Tókejanov

NUR-SULTAN. QazAqparat – Medıtsınalyq saqtandyrý qory halyqpen keri baılanys ornatýǵa erekshe nazar aýdarady. Bul týraly Ortalyq kommýnıkatsııalar qyzmetinde ótken brıfıngte Áleýmettik medıtsınalyq saqtandyrý qorynyń Basqarma tóraǵasy Bolat Tókejanov aıtty, dep habarlaıdy QazAqparat tilshisi.

«Ótken jyl ishinde biz 720 myńǵa jýyq ótinishti qabyldap, qaradyq. 95% astamy - MÁMS júıesine qatysý, medıtsınalyq kómek alý, koronavırýs boıynsha konsýltatsııalar. Osy ótinishterdiń ishinde qormen egin medıtsınalyq kómektiń kepildik berilgen kólemi sheńberinde jáne MÁMS júıesinde medıtsınalyq qyzmetter kórsetýge sharty bar medıtsınalyq uıymdardyń atyna kelip túsken 8 myńǵa jýyq shaǵym bar», - deıdi Áleýmettik medıtsınalyq saqtandyrý qorynyń Basqarma tóraǵasy.

Onyń aıtýynsha, halyq kóbinese konsýltatsııalyq-dıagnostıkalyq qyzmetterdiń qoljetimsizdigine (jabdyqtyń bolmaýy, kútý uzaqtyǵy, joldamanyń berilmeýi, kadr tapshylyǵy), medıtsına qyzmetkerleriniń dórekiligi men biliksizdigine, medıtsınalyq kómek kórsetý sapasyna, aqyly qyzmetterge jiberýge, aýrýhanaǵa jatqyzýdan bas tartýǵa qatysty shaǵymdanady.

«Densaýlyq saqtaý júıesiniń negizgi qatysýshysy retinde qor 2021 jyly osy máselelerdi birlesip sheshý jumystaryn jalǵastyrady, bul rette basty maqsat – patsıentterdiń quqyqtaryn qorǵaý. Densaýlyq saqtaýdaǵy basty tulǵa - naýqas, onyń múddeleri men densaýlyǵy. Bizdiń maqsatymyz – densaýlyq saqtaý júıesindegi medıtsınalyq kómektiń sapasyn arttyrýdyń katalızatoryna aınalatyn medıtsınalyq qyzmetterdi jetkizýshilerdiń básekege qabilettigin arttyrý. Osy jyldar ishinde jeke jetkizýshiler naryǵynyń dınamıkasy 50%-ǵa artty, bul sońǵy 3 jylda qol jetkizilgen úlken nátıje. Biz adal básekelestik degen ustanymǵa berik bolamyz, bul sapaly medıtsınaǵa aparatyn jalǵyz jol», - deıdi ol.