2020 jyly Shet aýdanynda 8 myń sharshy metr turǵyn úı salyndy - Qaraǵandy oblysy
Ótken jyldyń qorytyndylary men 2021 jylǵa arnalǵan josparlar týraly aýdan ákimi Muhıt Muhtarov Qaraǵandy oblysynyń basshysy Jeńis Qasymbektiń tóraǵalyǵymen ótken onlaın-keńes barysynda aıtyp berdi.
«2021 jyly Shet aýdanynda «Aýyl - El besigi» baǵdarlamasy boıynsha 13 jobany
iske asyrý josparlanýda, onyń toǵyzy - Aqadyr kentinde. Bul joldardy jóndeý, káriz júıesi men birinshi kóterme sorǵy stantsııasynan rezervtik sýmen jabdyqtaý jelisin salý, Ermekov atyndaǵy jalpy bilim beretin mektepte sport zaly men ashana salý jónindegi jobalar», - dedi Muhıt Muhtarov.
Sondaı-aq, Burma aýylyndaǵy sý qubyryn qaıta jańartý jáne Sáken Seıfýllın
aýyly men Krasnaıa Polıana eldi mekenindegi joldardy ortasha jóndeý josparlanǵan.
Aýdanda turǵyn úı qurylysyna da kóp kóńil bólinedi. «Nurly jer» baǵdarlamasy
boıynsha ótken jyly Aǵadyrda 12 páterli eki úıdiń qurylysy bastaldy. Bıyl qurylys jumystary aıaqtalýy tıis. 2020 jyly barlyǵy 7 915 sharshy metr paıdalanýǵa berildi, bul 2019 jylmen salystyrǵanda 6,8%-ǵa artyq.
Onlaın-keńes qorytyndysy boıynsha oblys basshysy Shet aýdanyn damytýǵa
qatysty birqatar tapsyrmalar berdi.
«Ótken jyly aýdan bıýdjeti 2019 jylmen salystyrǵanda eki esege artty, «Aýyl -
El besigi» jáne «Jumyspen qamtýdyń jol kartasy» baǵdarlamalary boıynsha
qyrýar jumys atqaryldy. «Aýyl - El besigi» mańyzdy jobalar bıyl da
usynylyp otyr. Biz olardyń barlyǵyn qoldaımyz. Aǵadyrdaǵy eki úıdiń
qurylysyna keletin bolsaq, olardy mindetti túrde bıyl aıaqtaý kerek», - dep atap
ótti Jeńis Qasymbek.