2020 jyly MÁMS qoryna qansha qarajat tústi
«Túsimderdiń eń kóp mólsheri azamattardyń jeńildigi bar sanattary úshin aýdarylǵan memleket jarnasy esebinen júzege asyryldy. Onyń kólemi – 297,6 mlrd teńge, bul barlyq aýdarymnyń 54%-y. Osylaısha, memleket halyq aldyndaǵy áleýmettik mindettemelerin saqtap keledi. Jumys berýshilerdiń jumysshylary úshin aýdarymy 162,6 mlrd teńge (30%). Al jeke tulǵalardyń aýdarym kólemi 16%», - deıdi Áleýmettik medıtsınalyq saqtandyrý qorynyń Basqarma tóraǵasy Bolat Tókejanov.
Onyń aıtýynsha, 2020 jyly mindetti áleýmettik medıtsınalyq saqtandyrýǵa jarna men aýdarym túrinde túsken qarjy mólsheri 550,4 mıllıard teńge.
«Mindetti áleýmettik medıtsınalyq saqtandyrýdan túsetin barlyq qarajat turǵyndarǵa medıtsınalyq kómek aqysyn tóleýge baǵyttalǵan. Ótken jyly qordyń medıtsınalyq qyzmetterin satyp alý jospary 1 807 mlrd teńge boldy, bul 2019 jylmen salystyrǵanda bir jarym esege ósti. Medıtsınalyq kómektiń kepildendirilgen kólemin qarjylandyrý – 1,2 trln teńge, mindetti áleýmettik medıtsınalyq saqtandyrý – 569 mlrd teńgege jetti. Qarjylandyrýdyń edáýir ulǵaıýy halyqqa medıtsınalyq kómek kólemin ulǵaıtýǵa múmkindik berdi. Burynǵydaı ambýlatorııalyq-emhanalyq kómekti qarjylandyrýǵa basymdyq bere beremiz», - deıdi ol.