2020 jyly quny 1,6 mlrd dollar bolatyn ınvestıtsııalyq 41 joba júzege asyryldy

NUR-SULTAN. QazAqparat – 2020 jyly quny 1,6 mlrd dollar bolatyn 41 ınvestıtsııalyq joba júzege asyryldy. Bul «KAZAKH INVEST» UK» AQ basqarmasynyń tóraǵasy Meıirjan Júsipov málim etti, dep habarlaıdy QazAqparat tilshisi.

«Ótken jyldyń qorytyndysynda KAZAKH INVEST-tiń qoldaýymen jalpy somasy 1,6 mlrd AQSh doll quraıtyn 41 ınvestıtsııalyq joba iske asyryldy. Nátıjesinde 7 myń jańa jumys oryn quryldy», - dedi Meıirjan Júsip Ortalyq kommýnıkatsııalar qyzmetindegi baspasóz máslıhaty barysynda.

Ulttyq kompanııa basshysynyń dereginshe, onyń ishinde agroónerkásip kesheninde – 8 joba, jańartylatyn energııa kózderi boıynsha – 7 joba, mashına jasaý salasynda - 6 joba, aqparattyq-kommýnıkatsııalyq tehnologııalar salasynda – 3 joba, jyljymaıtyn múlik, farmatsevtıka, densaýlyq saqtaý, qurylys materıaldary salalarynda – 2 jobadan jáne hımııa, metallýrgııa jáne basqa da salalarda bir-bir jobadan júzege asyryldy.