2020 jyly kópbalaly otbasylardy áleýmettik qoldaýǵa 327 mlrd teńge bólinedi

NUR-SULTAN. QazAqparat – Ataýly áleýmettik kómek alyp otyratyn otbasylardyń eńbekke jaramdy múshesi mindetti túrde jumysqa ornalasýy tıis. Al bul talaptan qandaı sanattaǵy azamattar bosatylady? Ol týraly Eńbek jáne halyqty áleýmettik qorǵaý mınıstri Birjan Nurymbetov aıtyp berdi, dep habarlaıdy QazAqparat tilshisi.

«Múgedek jandarǵa, eńbekke jaramdy bolǵanymen oqýda júrgen jáne kútimmen aınalysyp júrgen kisilerge mundaı talap qoıylmaıdy. ıAǵnı, úsh jasqa deıingi balany nemese otbasynda múgedek týysyn qarap otyrǵan adamǵa, otbasynda eresekteriniń biri birinshi jáne ekinshi toptaǵy múgedek bolsa, kútimdi talap etetin qarııasy bolsa – onda jumysqa ornalasý boıynsha mundaı sanattaǵy azamattarǵa shart bolmaıdy», - dedi mınıstr OKQ-da ótken baspasóz máslıhatynda.

Birjan Nurymbetov 2020 jyly kópbalaly otbasylarǵa memlekettik járdemaqy tóleýge, ataýly áleýmettik kómek pen kepildik berilgen áleýmettik toptama tóleýge 327 mıllıard teńge kózdelgenin aıtty.

Eske sala ketsek, buǵan deıin Eńbek jáne halyqty áleýmettik qorǵaý mınıstri AÁK alyp otyrǵan otbasynyń eńbekke jaramdy múshesine yńǵaıly ári mamandyǵyna saı jumys usynylatynyn málimdegen bolatyn.