2020 jyly Konstıtýtsııa men Qazaqstan halqy Assambleıasynyń 25 jyldyǵy toılanady
«Kele jatqan Jańa jylǵa oraı shyn júrekten shyqqan quttyqtaýymyzdy qabyl alyńyzdar! Bul – barshaǵa qýanysh, jan jylýy men bolashaqqa degen izgi úmit syılaıtyn eń jarqyn jáne asyǵa kútetin otbasylyq merekelerdiń biri. Ótken jyl mańyzdy jáne taǵdyrsheshti qoǵamdyq-saıası oqıǵalar jyly boldy.Halyqtyń danalyǵy arqasynda Qazaqstan damý men jasampazdyq jolyn jalǵastyrdy. Biz kúsh-qýatymyzdyń birlikte ekenin jáne onyń pikirler alýandyǵyna, tásilderdiń ártúrliligine, jańa ıdeıalardyń baılyǵyna súıenetinin is júzinde dáleldedik», - delingen QHA quttyqtaýynda.
Jańa 2020 jyly Qazaqstan halqy Assambleıasy men el Konstıtýtsııasynyń 25 jyldyǵyn atap ótý mindeti tur.
«Sonymen birge, azamattyq jaýapkershilik sezimi men erikti qyzmet etý arqyly ómirdi jaqsartatyn Volonterler jyly kele jatyr. Abaıdyń 175 jyldyǵy men Ábý Nasyr ál-Farabıdiń 1150 jyldyǵy Uly dalanyń rýhanı mádenıetiniń, ǵylymy men tarıhynyń jańa qyrlaryn ashady. Keler jyly halyqtyń ál-aýqatyn arttyrý úshin birlesip kúsh-jiger jumsaımyz», -dep jazdy QHA.