2020 jyly keń jolaqty ınternetke 880 aýyl qosylady

NUR-SULTAN. QazAqparat - Bıyl 2020 jyly keń jolaqty ınternetke 880 aýyl qosylady. Bul týraly búgin Úkimet otyrysynda «Tsıfrlyq Qazaqstan» memlekettik baǵdarlamasynyń júzege asyrylý barysy jaıynda baıandaǵan QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.

«Tsıfrlyq «Jibek joly» baǵytynyń negizgi mindeti – halyqty sapaly ınternetpen qamtý. Qazir 117 qala men 250-den astam halqy bar 3 324 aýyl keń jolaqty ınternetpen qamtylǵan. Ótken 2 jyl ishinde 481 aýyl keń jolaqty ınternetke qosyldy. Bul joba aldaǵy jyldary da jalǵasady», - dedi mınıstr.

Onyń atap ótýinshe, Nur-Sultan, Almaty jáne Shymkent qalalarynda 5G pılottyq jobasy iske asyryldy. Ótken jyldyń sońynda Qazaqstan-Ázerbaıjan baǵyty boıynsha TransCaspian Fiber Optic jobasynyń qurylysy bastaldy. Bul rette elimizdiń geografııalyq ornalasýyn eskersek, derekterdiń tranzıttik áleýeti ulǵaıady.

«Al 2020 jyly keń jolaqty ınternetke 880 aýyl qosylady. Úı jelisine ınternetti qosý deńgeıin 84 paıyzǵa jetkizý josparlanǵan. Sondyqtan, qurmetti Premer-Mınıstr myrza, osy jumystardy jedeldetýge ákimdikterge energetıka jáne jer máselesin sheshý týraly tapsyrma berýińizdi suraımyn», - dedi Asqar Jumaǵalıev Úkimet basshysy Asqar Mamınge qarata.