2020 jyly Qashaǵanda 13 mln tonna munaı óndiriledi
«Eger de túsimder boljamy men Ulttyq qordyń qalyptasýy máselesine toqtalsaq, osy oraıda onyń qandaı bólikterden quralatynyn túsiný kerek. Bul turǵyda munaı óndirý mindetti túrde eskeriledi. Munaı baǵasy jónindegi esepteýlerge súıensek, 2017 jylǵa bizde salyqtyq túsimderdiń boljamy barreline 50 dollar qunymen qalyptasty. 2018-2020 jyldarǵa arnalǵan úsh jyldyq bıýdjette salyqtar túsimi boljamyn 45 dollar deńgeıinde eseptedik. ıAǵnı, bul turǵyda 5 dollar somasynda aıyrmashylyq bolǵandyqtan, tıisti kólemde utylamyz», - dep túsindirdi Saǵyntaev Májilistiń jalpy otyrysynda.
Budan bólek ol munaı óndirý kólemin arttyrý taqyrybyna toqtaldy.
« Bıyl munaı óndirý boljamynda 84,5 mln tonnany josparlaǵan edik, alaıda jyl sońynda birshama artýy múmkin. 2020 jylǵa qaraı bizde ındıkatıvti boljam 87 mln tonnadan astam. Birinshi kezekte óndirý kólemi Qashaǵannyń arqasynda artady. Qashaǵanda óndirý deńgeıi ósip keledi, ıaǵnı búgingi 6 mıllıonnan 2020 jyly 13 mıllıonǵa deıin jetedi», - dedi Úkimet basshysy.