2020 jyly dárigerlerdiń jalaqysy 30 paıyzǵa ósedi
«Elbasy Nursultan Nazarbaev mindetti áleýmettik medıtsınalyq saqtandyrýǵa kóshýge tolyq daıyndyqty qamtamasyz etý mindetin qoıdy. Memleket basshysy Qasym-Jomart Toqaev óz Joldaýynda áleýmettik medıtsınalyq saqtandyrýdy iske asyrý máselesine úlken jaýapkershilikpen qaraý qajettigin eskertti. Onymen barlyq qazaqstandyq qamtylýy tıis. Ol úshin barlyq deńgeıdegi medıtsınalyq mekemeler qajetti aqparattyq júıelerge qosylýy kerek. Árbir azamattyń derekteri jańartylýy tıis», - dedi A. Mamın Úkimet otyrysynda.
Premer-Mınıstr MÁMS engizý boıynsha pılottyq jobanyń nátıjesin oń baǵalap, Qaraǵandy oblysynyń bul tájirıbesin basqa óńirler de eskerýi qajet ekenin aıtty.
«Osy jyldyń sońyna deıin Densaýlyq saqtaý mınıstrligi ákimdiktermen birlesip, medıtsınalyq uıymdar men medıtsınalyq saqtandyrý boıynsha jumysty bastaýǵa tolyq daıyndyǵyn qamtamasyz etsin. Óńir ákimdikteri Densaýlyq, Eńbek, Qarjy mınıstrlikterimen birlesip, derekterdi jańartýdy aıaqtasyn. Bilim jáne ǵylym, Ádilet, Eńbek mınıstrlikteri balalar, stýdentter men úsh jasqa deıingi balalardy tárbıelep otyrǵan, jumyssyz azamattar boıynsha aqparattyq júıelerdegi derekterdiń dáldigin qamtamasyz etsin», - dedi Úkimet basshysy.