2020 jyly búkil aýyldyq aýrýhanalar ınternetke qosylady

NUR-SULTAN. QazAqparat - 2020 jyly búkil aýyldyq aýrýhanalar ınternetke qosylady. Atalǵan jumystar jyl sońyna deıin aıaqtalady. Bul týraly Nur-Sultan qalasynda ótken Digital Bridge forýmynda aıtyldy, dep habarlaıdy QazAqparat.

«Jıyn aıasynda medıtsınany tsıfrlandyrý boıynsha paneldik sessııa ótken bolatyn. Sala boıynsha atqarylyp jatqan sharalar profılaktıkalyq jumystardy kúsheıtip, medıtsınalyq qyzmet sapasyn arttyryp, alǵashqy medıtsınalyq-sanıtarlyq kómektiń qarjylyq turaqtylyǵyn qamtamasyz etetini aıtyldy», delingen «Tsıfrlyq Qazaqstan» memlekettik baǵdarlamasynyń Facebook-tegi paraqshasynda. Qazirdiń ózinde arýhanaǵa barý mobıldi qosymshalardyń kómegimen eki ese azaıǵan. Dárigerge elektrondy túrde jazylýdyń arqasynda kezek qysqarǵan.

Eske sala ketsek, buǵan deıin «Qazaqtelekom» AQ baspasóz qyzmeti Qazaqstanda aýylda turatyn 2,5 mln turǵyn jáne 2,5 myń memlekettik mekeme keń jolaqty ınternetke qosylatyny jóninde málim etken edi.