2020 jyly Bilim mınıstrligine 6,5 myń shaǵym tústi

NUR-SULTAN. QazAqparat – 2020 jyly Bilim jáne ǵylym mınıstrligine 6,5 myń shaǵym tústi. Bul týraly halyqqa esep berý kezdesýinde QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Mınıstrlikke kóptegen ótinishter men aryz, shaǵymdar túsip jatady. 2020 jyly jalpy qujat aınalymyn qarastyrar bolsaq, tek qana mınıstrliktiń ózinde 115 myń hat, onyń ishinde 6 500 aryz, shaǵym túsken eken. Bul kórsetkish 2019 jylmen qaraǵanda 2 esege artyq. Mınıstrliktiń kómek kórsetý ortalyǵyna 20 myńnan astam qońyraý kelip túsken. Olarǵa tıisti jaýaptar qaıtaryldy. Mınıstrliktiń áleýmettik blogynyń ózine 2 500 aryz, shaǵym jáne 6 myń habarlama qarastyryldy. Bul da Memleket basshysy belgilegen «halyq únine qulaq asatyn memleket» tujyrymdamasynyń aıasynda istelip jatqan jumystyń bir kórinisi dep aıta alamyz», - dedi Ashat Aımaǵambetov.

Sonymen qatar ol Bilim mınıstrligi Memleket basshysynyń tapsyrmasy aıasynda jumysyn ashyq ótkizip jatqanyn aıtty. Ár juma saıyn ótetin vedomstvonyń apparat jınalysy da áleýmettik jelide tikeleı efırde kórsetiletindigin eske saldy.