2020 jyly aýylsharýashylyq daqyldarynyń túsimi qandaı boldy

NUR-SULTAN. QazAqparat – 2020 jyly aýyl sharýashylyǵy daqyldarynyń naqtylanǵan egistik alqaby jalpy respýblıka boıynsha 22 582,3 myń gektardy qurady (2019 jylǵa qaraǵanda 2% joǵary). Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Onyń ishinde dándi (kúrishti qosqanda) jáne burshaqty daqyldardyń alqaby 15 878,4 myń gektardy (3,1% kóp), maıly daqyldar 2 905,1 myń gektardy (1,5% kóp), ashyq topyraqta ósirilgen kókónister 163,6 myń gektardy (2,8% kóp), kartop 194,4 myń gektardy (0,7% kóp) qurady.

Tazalaǵannan keıingi salmaqta dándi (kúrishti qosqanda) jáne burshaqty daqyldardyń jalpy kólemi 2019 jylmen salystyrǵanda 15,1% joǵary bolyp, 20 065,3 myń tonnany qurady. Ashyq topyraqta ósirilgen kókónister – 4,9% kóp bolyp, 4 340,7 myń tonnany, baqsha daqyldary – 1,8% artyp, 2 425,1 myń tonnany, kartop – 2,4% artyp, 4 006,8 myń tonnany qurady. Bul rette maıly daqyldardy jalpy jınaý 1,1% azaıdy jáne 2 556,5 myń tonna boldy.

2019 jylǵy deńgeımen salystyrǵanda tazalaǵannan keıingi salmaqta dándi (kúrishti qosqanda) jáne burshaqty daqyldardyń túsimi 12,3% kóbeıip, 12,8 ts/ga qurady.

Ashyq topyraqtaǵy kókónister (túsimdiligi 2,1% ósti), baqsha daqyldary (1,8%), kartop (1,6%) úshin osy jyl asa ónimdi boldy.