2020 jyly áleýmettik tsıfrlyq ámııan arqyly tóleý tetigi iske asady
«Memleket basshysy Azamattyń áleýmettik tsıfrlyq ámııanyn engizýdi, sonymen qatar tıisti taýar ótkizýshi júıe qurýdy tapsyrdy. Búginde Eńbek mınıstrligi tarapynan respýblıkalyq bıýdjetten jylyna áleýmettik tólemderdiń 39 túri jalpy 3,4 trln teńgege júzge asyrylady. Barlyq tólemder ekinshi deńgeıdegi bankterdegi alýshylardyń shottaryna aýdarylady», - dedi mınıstr Úkimet otyrysynda.
Onyń aıtýynsha, Prezıdenttiń tapsyrmasyn oryndaý maqsatynda Eńbek jáne halyqty áleýmettik qorǵaý, Saýda jáne ıntegratsııa, Tsıfrlyq damý mınıstrlikteri biraz daıyndyq jumystaryn jasady.
«Endi 2020 jyldyń sońyna deıin ataýly áleýmettik kómekti áleýmettik tsıfrlyq ámııan arqyly tóleý tetigin qanatqaqty rejımde iske asyratyn bolamyz. Áleýmettik tsıfrlyq ámııan azamattyń jeke sáıkestendirý nómiri negizinde pysyqtalady. Ekinshi kezeńde 2021-2022 jyldary atalǵan mınıstrlikter Ulttyq bank jáne Qarjy naryǵyn retteý agenttigimen birlese resblıkalyq, jergilikti bıýdjetterden, áleýmettik saqtandyrý ári Biryńǵaı jınaqtaý zeınetaqy qorlarynan tólenetin zeınetaqy men járdemaqylardy Áleýmettik tsıfrlyq ámııan arqyly tóleý tetikterin iske asyratyn bolamyz», - dedi B. Nurymbetov.
Aıta keteıik, Memleket basshysy Joldaýda azamattyń tsıfrlyq áleýmettik ámııan engizý kerektigin málim etti.