2020 jyly álemdik týrızm 57%-ǵa tómendeýi yqtımal
20:55, 13 Qyrkúıek 2020
TOKIO. Kıodo-QazAqparat – Brıtanııanyń zertteý kompanııasynyń málimetinshe, 2020 jyly halyqaralyq saparlarǵa degen álemdik suranys shekaralyq baqylaýdy jáne karantındik sharalardy kúsheıtý saldarynan 57 paıyzǵa tómendeıdi, dep habarlaıdy QazAqparat Kıodo agenttigine silteme jasap.
Azııa-Tynyq muhıty aımaǵy 57 paıyzdyq quldyraýmen zardap shekken ekinshi óńir bolady. Boljam boıynsha, Soltústik-Shyǵys Azııadaǵy baǵyttarǵa eń kóp quldyraý baıqalady – 61 paıyz.
Ótken jylǵy shilde aıymen salystyrǵanda, Japonııaǵa kelýshilerdiń sany 99,9%-ǵa tómendegen. Munda áli de 140-tan astam el men aımaqtyń azamattaryna kelýge tyıym salynyp otyr.