2020 jyly 6 mln-nan astam ákimshilik hattama elektrondy formatta toltyryldy

NUR-SULTAN. QazAqparat – Ótken jyly 2020 jyly 6 mln-nan astam ákimshilik hattama men nusqama elektrondyq formatta resimdeldi. Bul týraly búgin QR Bas prokýratýrasy Quqyqtyq statıstıka jáne arnaıy esepke alý komıtetiniń tsıfrlyq jobalaryn tanystyrý barysynda belgili boldy, dep habarlaıdy QazAqparat tilshisi.

QR Bas prokýrorynyń orynbasary Marat Ahmetjanovtyń aıtýynsha, «Ákimshilik is júrgizýlerdiń biryńǵaı tizilimi» ákimshilik isterdi elektrondyq formatta júrgizýge múmkindik beredi. Júıege 60-tan astam memlekettik organ qosylǵan. Elektrondyq ákimshilik hattamalar planshetterde 5-10 mınýt ishinde aıyppul týraly adamǵa SMS habarlama jiberý arqyly rásimdeledi.

Aıyppuldardy tóleý rásimderi jeńildetildi. Endi muny tólem kartasynyń, «Qazposhta» AQ-nyń kómegimen nemese ekinshi deńgeıdegi bankter men olardyń tólem termınaldary arqyly jasaýǵa bolady.

Búginde polıtseılerdiń jol qozǵalysy erejelerin buzǵandarǵa aıyppul tóletý jáne hattamalardy rásimdeý protsesi 100 paıyz avtomattandyrylǵan. Nátıjesinde 2020 jyly 6 mln-nan astam ákimshilik hattamalar men nusqamalar elektrondyq formatta resimdeldi.