2020 jyly 12 nysan jekeshelendirildi
10:43, 12 Qańtar 2021
NUR-SULTAN. QazAqparat – 2020 jyly jekeshelendirý aıasynda 101 mlrd teńge somasynda 12 nysan satyldy. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.
«2016-2020 jyldarǵa arnalǵan Jekeshelendirýdiń keshendi jospary tolyǵymen oryndaldy. Byltyr 76 nysandy satý josparlanǵan bolatyn. Esepti jyly 101 mlrd teńge somasynda 12 nysan satyldy. 7 nysan qaıta uıymdastyrýǵa jáne taratýǵa jiberildi», - dedi ol.
Mınıstrdiń dereginshe, 55 nysan jekeshelendirýdiń 2021-2025 jyldarǵa arnalǵan jańa josparyna engizildi.
«2 nysan Jekeshelendirýdiń keshendi josparynan alynyp tastaldy», - dedi Erulan Jamaýbaev.