2020 jyly 11,53 mln tonna munaı ónimderi óńdeldi - mınıstr Noǵaev
«Ótken jyldyń 12 aıynyń qorytyndysynda 11,53 mln tonna munaı ónimderi óńdeldi. Avtobenzın boıynsha kórsetkish 4,48 mln tonnaǵa jetti. ıAǵnı ótken jyldyń jospary 102,6 paıyzǵa oryndaldy. Óndirilgen dızel otynynyń kólemi 4,55 mln tonna boldy. Bul esepti jyldyń josparynyń 102,2 paıyzyna teń», - dedi ol.
Onyń aıtýynsha, ótken jyly mazýt óndirý 108,2 paıyzǵa artyp, 2,1 mln tonnany qurady. Al áýe otyny boıynsha kórsetkish 438 myń tonna boldy. ıAǵnı jospar tek 93,4 paıyzǵa oryndaldy. Oǵan áýe qatynasynyń azaıýy sebep bolyp otyr.
«Bıtým óndirý 2020 jyldyń qorytyndysy boıynsha 1,04 mln tonnaǵa jetti. ıAǵnı esepti jyldyń jospary 105,4 paıyzǵa oryndaldy. 2021 jyldyń bıtýmge jospary qazirgi tańda Avtomobıl joldary komıtetimen pysyqtalýda. Búgingi tańda ishki naryq elimizde óndirilgen munaı ónimderimen tolyq qamtamasyz etilgen. Munaı-gaz-hımııa ónimderine toqtalatyn bolsaq, onyń kólemi 359,3 myń tonnaǵa jetti. Bul ótken jyldyń 12 aıynyń josparynan asyp túsip, 103 paıyzdy qurady», - dedi Nurlan Noǵaev.
Sonymen qatar mınıstr esepti kezeńde 108 mlrd kVt saǵat elektr energııasy, 19,5 myń tonna ýran óndirilgenin atap ótti.