2020 jylǵy Armııa halyqaralyq oıyndary aıaqtaldy
Armııa halyqaralyq oıyndary 2015 jyldan beri ótkizilip kele jatyr. Bıyl oǵan 30-dan astam memleket qatysty.
«ArHO-2020» oıyndarynyń jabylý rásimine elderdiń qorǵanys vedomstvolarynyń basshylary men delegatsııalary qatysty.
Qazaqstan Qorǵanys mınıstri general-leıtenant Nurlan Ermekbaev saltanatty rásim bastalǵanǵa deıin «Tank bıatlony» saıysyna qatysqan qazaqstandyq komandamen kezdesti.
Oıyndardyń jabylý saltanatynyń aldynda, «Tank bıatlony» saıysynyń fınaly jáne ekıpajdardyń fınaldyq júristeriniń qorytyndysy shyǵaryldy. QR komandasy 5-oryn alǵan bolatyn.
«Atalǵan is-sharalar aıasynda N. Ermekbaev basqa memleketterdiń qorǵanys mınıstrlerimen kezdesti. Atap aıtqanda, Úndi áriptesi Radjnath Sınghpen BUU qamqorlyǵymen bitimgershilik operatsııalaryna birlesip qatysýǵa basty nazar aýdaryldy. Mundaı ózara is-qımyl 2018 jyldyń qazan aıynan bastap júzege asyrylýda. Qazaqstandyq rotanyń tórtinshi quramy Lıvandaǵy Úndi batalony quramyndaǵy mindetterdi oryndaýda», - dedi QR Qorǵanys mınıstrliginen.
Eske salaıyq, 4 qyrkúıek kúni «Patrıot» áskerı-patrıottyq parkinde ShYU, TMD jáne UQShU-nyń qorǵanys vedomstvolary basshylarynyń birlesken otyrysy ótken bolatyn.
«Reseı Qorǵanys mınıstri armııa generaly Sergeı Shoıgýdyń bastamasymen alǵash ret ótkizilgen qorǵanys vedomstvolary basshylarynyń kezdesýiniń ókildik formaty keń aýqymdy máseleler boıynsha jan-jaqty pikir almasýǵa múmkindik berdi», - delingen taratylǵan aqparatta.