2020 jylǵa qaraı logıstıkalyq ahýaly úzdik 40 eldiń qataryna kirýdi kózdep otyrmyz - A.Mamın
Bul týraly búgin Astana ekonomıkalyq forýmy «Uly Jibek joly elderiniń forýmy: Energııa, resýrstar jáne ornyqty damý» sessııasynda «Qazaqstan temir joly» ulttyq kompanııasynyń prezıdenti Asqar Mámın málim etti.
«Aldymyzǵa qoıyp otyrǵan maqsatymyz - ózimizdiń LRІ logıstıka tıimdiligi ındeksimizdi jaqsartý. Biz 2020 jylǵa qaraı logıstıkalyq ahýaly úzdik 40 eldiń qataryna kirgimiz keledi. Biz bul baǵyttaǵy jumystardy jalǵastyrýdy josparlap otyrmyz. Bul jumystar óz nátıjesin kórsetetin bolady», - dedi ol.
Kompanııa basshysynyń atap ótýinshe, búginde «Qazaqstan temir joly» jalpy tabysynyń 30 paıyzy júk tasymaldaý esebinen túsýde. Aldaǵy ýaqytta, naqtylaı aıtqanda 2020 jylǵa qaraı kompanııa bul kórsetkishti 50 paıyzǵa deıin jetkizýdi josparlaýda. «Ózimizdiń stratagııalyq maqsattarymyz aıasynda sheshýdi josparlap otyrǵan negizgi mindetterimiz osyndaı», - dep túıindedi sózin A.Mamın.