2020 jylǵa qaraı kommýnaldyq jelilerdiń tozýy 53 paıyzǵa deıin tómendetiledi

ASTANA. QazAqparat - 2020 jylǵa qaraı kommýnaldyq jelilerdiń tozýy 65 paıyzdan 53 paıyzǵa tómendetiledi. Bul týraly búgin Ortalyq kommýnıkatsııalar qyzmetinde «Nurly jol» baǵdarlamasyn iske asyrý máselesine arnalǵan brıfıngte QR Ulttyq ekonomıka mınıstriniń birinshi orynbasary Marat Qusaıynov málim etti.

«TKSh, jylýmen, sýmen jabdyqtaý, sý burý jelilerin jańǵyrtý úshin 2015-2016 jyldary Ulttyq qordan 60 mlrd. teńge somasynda qarajat bólinedi. Baǵdarlamanyń iske asyrylýynyń kelesi jyldary jyl saıyn 100 mlrd. teńgeden kem emes qarajat bólinetin bolady. Odan basqa, 2015 jyldan bastap Halyqaralyq qarjylyq uıymdar qaryzdary tartylatyn bolady», - dedi M.Qusaıynov.

Onyń sózine qaraǵanda, kommýnaldyq jelilerdi jańǵyrtý jobalarynyń iske asyrylýy 2020 jylǵa jylýmen, sýmen jabdyqtaý, sý burý jelileriniń tozýyn 65 paıyzdan 53 paıyzǵa tómendetýge jáne jelilerdegi shyǵyndardy azaıtýǵa múmkindik beredi, tutynýshylarǵa kórsetiletin qyzmetterdiń sapasy jaqsarady.