2020 jylǵa qaraı qazaqstandyqtar elektrondyq densaýlyq tólqujatyna ıe bolady - DSM

ASTANA. QazAqparat - 2020 jylǵa qaraı qazaqstandyqtar elektrondyq densaýlyq tólqujatyna ıe bolady. Bul týraly búgin elordada ótken VII Astana ekonomıkalyq forýmynyń aıasyndaǵy sessııa barysynda densaýlyq saqtaý vıtse-mınıstri Bolat Tókejanov málim etti.

Vıtse-mınıstrdiń sózine qaraǵanda, elektrondyq densaýlyq tólqujatyna ıelengen qazaqstandyqtar «patsıenttiń jeke kabıneti» qyzmetin de paıdalana bastaıdy. «Osylaısha, elektrondyq densaýlyq tólqujatynyń negizinde patsıenttiń jeke kabınetin qurý josparlanady, onda árbir azamat óziniń densaýlyǵy týraly aqparat alyp qana qoımaı, dárigerge qaralý týraly habarlamalardy, skrıngter nemese profılaktıkalyq úderisterden ótý týraly aqparattardy alatyn bolady», - deıdi B.Tókejanov. Onyń aıtýynsha, 2020 jylǵa qaraı Qazaqstanda elektrondyq densaýlyq saqtaýdy qalyptastyrý avtomatty túrde ýaqtyly, ózekti, shynaıy aqparat alýǵa, densaýlyq saqtaý júıesin, eń aldymen naýqastyń jáne dárigerlik qyzmetkerdiń qajettiligine baǵyttalǵan júıe qurýǵa múmkindik beredi. Vıtse-mınıstrdiń pikirinshe, aqparattyq tehnologııalar dáýirinde dáriger tıisti kommýnıkatsııa quraldarymen jaraqtalyp, qashyqtyqtan aqyl-keńes berýge, dıagnostıka júrgizýge jáne naýqastyń jaǵdaıyn baqylaýǵa ótýge múmkindik beretin tıimdi baǵdarlamalyq qamsyzdandyrylýy tıis.