2020 jylǵa qaraı Qazaqstan Halyqaralyq logıstıkalyq reıtıngte 37 eldi basyp ozbaq
«Sapaly kóliktik-logıstıkalyq ınfraqurylymdy qurý men saladaǵy kedergilerdi joıý boıynsha keshendi jumystar, ıkemdi tarıftik saıasatty júzege asyrý, básekege qabiletti kóliktik-logıstıkalyq qyzmetterdiń tizbesin keńeıtý, naryqqa qatysýshylarmen seriktestik qatynastardy nyǵaıtý kóliktik qyzmetterdiń sapasyn jaqsartýǵa múmkindik berdi. Osy rette halyqaralyq logıstıkalyq reıtıngte Qazaqstannyń pozıtsııasy 160 eldiń arasynda 88-orynnan 77-orynǵa deıin joǵarylady. Bul TMD elderi arasynda úzdik kórsetkish bolyp tabylady. Bul turǵyda 2020 jylǵa qaraı úzdik logıstıkalyq jaǵdaıy bar TOP-40 elderdiń qataryna kirý maqsatyn qoıyp otyrmyz»,-dedi ol.
Sonymen qatar A. Mamın kompanııa magıstraldy temir jol jelisiniń ótkizgishtik qabiletin keńeıtip otyrǵanyn, «EKSPO-2017» qarsańynda áýejaıdyń jańa halyqaralyq jolaýshylar termınaly men Astanada qazirgi zamanǵy temir jol vokzalyn salyp jatqanyn eske salyp ótti.
Onyń sózine qaraǵanda, ınfraqurylymdyq jobalardy iske asyrý men olardyń tolyq qýatyna shyǵýy Qazaqstan ekonomıkasy úshin jańa múmkindikterdi ashyp otyr. Máselen, Jezqazǵan-Beıneý jáne Arqalyq-Shubarkól jańa temir jol jelileri boıynsha tasymaldyń alǵashqy 22 aıynda 15,7 mln. tonna júk nemese 8 myńǵa jýyq júk poıyzdary ótkizildi. Bul rette qol jetkizilgen kórsetkishti joǵary baǵalaýǵa bolady.