2020 jylǵa qaraı iske qosylǵan strategııalyq jobalar ІJÓ-niń keminde 7 paıyzdyq jıyntyq tıimdiligin beredi
Bul týraly búgin elordada ótken Indýstrııalyq forým barysynda QR Indýstrııa jáne jańa tehnologııalar mınıstri Áset Isekeshev málim etti.
Mınıstrdiń atap ótýinshe, olar iri ınfraqurylymdyq ındýstrııalyq jobalar. Mundaı jobalar Indýstrııalandyrý kartasynda 39 paıyzdy, ári kartadaǵy ınvestıtsııanyń jalpy qunynyń 70 paıyzyn quraıdy. Degenmen de onyń sózine qaraǵanda, olardyń ústine qosýǵa bolatyn da bolashaǵy zor jobalar bar.
«Olardyń sany shamamen 20 bolady. Osylaısha, barlyq 59 iri joba taıaý 3-5 jyldyń ishinde Úkimettiń basty nazarynda bolady», - dedi ol.
Sonymen qatar atalǵan 59 jobanyń jıyntyq quny 80 mlrd. AQSh dollaryn quraıtyndyǵyn atap ótken Á.Isekeshev: "Bular taý-ken metallýrgııasy, hımııa, týrızm, kólik jáne mashına jasaý salalaryndaǵy iri jobalar ekendigin atap ótkim keledi. Bizdiń baǵalaýymyzsha, 2020 jylǵa qaraı osy jobalardy iske qosý Іshki jalpy ónimniń keminde 7 paıyzdyq jıyntyq tıimdiligin beredi ", - dedi mınıstr.