2020 jylǵa qaraı aýyl sharýashylyǵyna bólinetin sýbsıdııa kólemi 5 ese artady
«Aýyl sharýashylyǵy sýbsıdııa alatyn bolady. Tipti, sýbsıdııany qazirgi ýaqyttan da artyǵymen alady. Bizdiń 2020 jylǵa deıingi salalyq baǵdarlamamyzda kórsetilgendeı, memlekettik qoldaý kólemi 2020 jylǵa qaraı 2013 jylǵy deńgeımen salystyrǵanda shamamen 5 ese artady. Bul amal ózgertilmeıdi. Buǵan qosa, memlekettik qoldaýdyń kólemi arttyryla túsýi de múmkin. Biraq, Úkimet, memleket salaǵa mol qarjy bólýi úshin bizder bólingen qarjynyń tıimdiligin kórsetýge tıispiz», - dep atap ótti mınıstr. Degenmen, A.Mamytbekov óz sózinde memleket tarapynan aýyl sharýashylyǵyna bólinip otyrǵan sýbsıdııa otandyq kásiporyndardyń erkinsýine jol berip otyrǵandyǵyna qynjylys tanytty. «Sýbsıdııa aǵyspen júzýge májbúrleıdi. Durysyn aıtqanda, aǵysqa ilesýge múmkindik berip otyr. Birqatar kásiporyndardaǵy ónimdilikti, óndiristilikti jaqsarta túsýdi qajet etedi. Máselen, kásiporyn qujatynda kórsetilgen ónimniń 70 paıyzyn da shyǵarmaıtyn qus ósirý kásiporyndary bar», - dedi ol.