2020 jylǵa qaraı 7 myń shaqyrym jol aqyly bolady -mınıstrlik

ASTANA. QazAqparat - Ortalyq kommýnıkatsııalar qyzmeti alańynda elimizdiń birqatar mınıstrlikteri men vodomstvolarynyń ókilderi 2015-2016 jyldardaǵy «Nurly jol» memlekettik baǵdarlamasyn júzege asyrýdyń qorytyndylaryn jarııalady, dep habarlaıdy QazAqparat HAA tilshisi.

QR Ulttyq ekonomıka mınıstrligi Salalyq ekonomıka departamentiniń dırektory Erjan Qazanbaev jol qurylysy jáne jóndeý jumystaryn júzege asyrý barysy jóninde aıtyp berdi.

Mınıstrdiń málimdeýinshe, negizgi avtokólik jobalaryn júzege asyrý úshin «shuǵyla» qaǵıdaty boıynsha 2 jyl ishinde 616 mlrd teńge bólindi. Atalǵan qarajattyń esebinen respýblıka boıynsha 2 myń shaqyrym jol qurylysy jáne jóndeý jumystarymen qamtylǵan, onyń ishinde 1,3 myń shaqyrymnan astam avtokólik joly iske qosylǵan.

«Atalǵan baǵytqa bıyl bıýdjetten 356 mlrd teńge qarastyrylyp otyr. 4,4 myń shaqyrym avtokólik jolyna qurylys, jóndeý jumystaryn júrgizý jáne 600 shaqyrym joldy paıdalanýǵa berý josparlanyp otyr», -dedi Qazanbaev.

Sondaı-aq, QR Ulttyq ekonomıka mınıstrligi departamentiniń basshysy Úsharal-Dostyq avtojolyna júrgiziletin kúrdeli jóndeý jumystary jónindegi jýrnalıster qoıǵan saýaldarǵa jaýap berdi.

«Úsharal-Dostyq avtojolynyń kúrdeli jóndeý jumystaryna bıylǵy bıýdjette qarjy qarastyrylǵan. Merdigeri de anyqtaldy. Endi tamyz-qyrkúıek aıynda jóndeý jumystary bastalady», - dedi E.Qazanbaev.

Óz kezeginde, QR Investıtsııalar jáne damý mınıstrligi Avtomobıl joldary komıteti tóraǵasynyń orynbasary Amangeldi Bekov qazaqstandyq joldarǵa aqyly tólem júıesin engizý barysy jóninde baıandady.

«Nurly jol» baǵdarlamasynda 7 myń shaqyrym jolǵa tólem júıesin engizý qarastyrylǵan. Ázirge mundaı júıe 220 shaqyrymǵa sozylatyn Astana-Şýche jolynda ǵana bar. 2013 jyldan búginge deıin bul joldan shamamen 4 mlrd teńge jınalǵan jáne bul qarajat tolyǵymen atalǵan joldyń kútimine jumsalady»,- dedi ol.

Bekovtyń aıtýynsha, bıyl 450 shaqyrymǵa sozylatyn Astana-Temirtaý, Almaty-Qapshaǵaı jáne Almaty-Qorǵas aýmaqtaryna tólem jınaý júıesin ornatý jumystary bastalady.

«Jyl sońyna qaraı atalǵan júıeler avtonomdy rejımde jumys isteıdi jáne kelesi jyldan bastap, bul joldar aqyly bolady. Sondaı-aq, bıyl 5 myń shaqyrym joldyń jobalyq-smetalyq qujattamasyn ázirleımiz, tólem jınaý júıelerin ornatý jumystary 2018-2019 jyldary atqarylady. Jalpy alǵanda, 2020 jylǵa qaraı, 7 myń shaqyrym jol aqyly túrge aýysady jáne jyl saıyn shamamen 30 mlrd teńge jınalýy múmkin», - dedi Bekov.