2020 jylǵa deıin respýblıkalyq joldardaǵy JJE buzý faktileriniń jáne jol apattarynyń sanyn 30%-ǵa qysqartý kózdelýde

ASTANA. 12 qarasha. QazAqparat - Respýblıkalyq avtomobıl joldaryndaǵy jol qaýipsizdigin arttyrýdy qamtamasyz etý úshin Kólik jáne kommýnıkatsııa mınıstrligi birqatar uzaq merzimdi jáne operatıvti sharalar qoldanýda, dep habarlaıdy mınıstrliktiń baspasóz qyzmetinen.

Qarsy jolǵa shyǵyp ketpeýdi qamtamasyz etý úshin avtojoldardyń qozǵalys aǵyny joǵary ýchaskeleri joldy bóletin jáne bógep qalý tosqaýyldary bar І tehnıkalyq kategorııaǵa aýystyrylýda. 2020 jylǵa deıin respýblıkalyq jol torabyndaǵy І tehnıkalyq kategorııalyq avtojoldar 4,5 myń kılometrdi, al ІІ tehnıkalyq kategorııalyq avtojoldar 11,2 myń kılometrdi quraıtyn bolady. Sóıtip, 2020 jylǵa deıin respýblıkalyq mańyzy bar jaqsy jáne qanaǵattanarlyq kúıdegi joldardyń jalpy uzyndyǵy 20 myń km (89 %) quraıtyn bolady.

Avtojoldardaǵy qaýipsizdikti qamtamasyz etý sharalary qurylys jobalarynda eskerilgen. Jol-kólik oqıǵalary qaterin azaıtý maqsatynda magıstraldik joldar iri eldi mekenderdi aınalyp ótetindeı etip salynýda (Taraz, Aqtóbe, Astana, Shymkent, Sarkand qalalarynyń aınalma joldary).

Janýarlardyń jáne aýyl sharýashylyǵy tehnıkasynyń bógetsiz ótýi úshin jobalarda mal ótpeleri men tóteleı júrip ótetin joldardy salý eskerilgen. Mysaly, «Astana-Şýchınsk» baǵyty boıynsha 24 mal ótpeleri men 2 jabaıy janýarlar ótpesi salynsa, «Batys Eýropa - Batys Qytaı» jobasymen tórt oblysta 157 mal ótpesin salý kózdelip otyr.

Sonymen birge úıindiniń qulama eńisi tym tik bolýynan nemese júrgizýshilerdiń qatty sharshaýynan avtokólik quraldarynyń aýdarylyp qalýyn boldyrmaý maqsatynda úıindi qulama eńisin 3 ese azaıtý arqyly kóliktiń topyraq tóseminen túsý múmkindigi qarastyrylǵan.

Munymen qosa, júrgizýshilerdiń nazaryn shıratý maqsatynda respýblıka joldaryna jyl saıyn 13 myń km jol belgileri salynady, al jaryqty áserli shaǵyltý úshin jol belgileýlerinde arnaıy shyny túıirshikter paıdalanylady.

Túptep kelgende bul sharalar Jol júrý erejeler buzýshylyǵyn azaıtyp, 2020 jylǵa deıin respýblıkalyq joldardaǵy apattar sanyn 30 paıyzǵa azaıtýǵa múmkindik beredi.

Jedel sharalarǵa keletin bolsaq mınıstrlikpen avtojoldardaǵy jol-kólik oqıǵalary men apattar kezindegi shuǵyl shaqyrtý júıesin engizý jóninde jumys jasalýda. Sol arqyly shuǵyl jedel qyzmetterdiń jol-kólik oqıǵalaryna ýaqtyly qulaǵdar bolý arqasynda jol boıyndaǵy ólimmen aıaqtalatyn apattardy 30 paıyzǵa azaıtý múmkindigi ashylady.

Odan basqa qaterli júkterdi tasymaldaý talaptary kúsheıtilýde. Sonymen birge avtobýstardyń qozǵalys rejimi buzýshylyǵyn boldyrmaýdy jáne tasymaldaý baǵyttaryn saqtaýdy qamsyzdandyrýǵa múmkindik beretin jolaýshylar tasymalyn elektrondy dıspetcherlendirý engizilýde.

Bárine qosa júıeli túrde júretin baǵyttardaǵy avtobýstardyń mindetti jańartylýy jónindegi normalar engizilýde. Sol normalar avtobýstardyń tozýyn 80 paıyzdan 45 paıyzǵa deıin tómendetedi.

Sonymen birge, jedel tártipte, polıtsııa jáne jol mekemelerimen apatty-qaterli jerlerde sáıkes belgilerdi ornatý kómegimen qozǵalys rejımin shekteý sharalary uıymdastyrylýda. Mysaly, «BE-BQ» avtojolyndaǵy Quıyq (551 KM) asýynda qaıta qurylyp jatqan ýchaskelerde jypyqtaý jol belgileri jáne «kóldeneń - shý» belgileýleri ornatylýda.