2020 jylǵa deıin kólik ınfraqurylymyn damytýǵa 45 mlrd AQSh dollary salynady
14:23, 21 Mamyr 2014
ASTANA. QazAqparat - Kólik ınfraqurylymy men logıstıka aktıvterin damytý jáne jetildirý úshin salynatyn ınvestıtsııanyń jalpy kólemi 2020 jylǵa deıin 45 mlrd AQSh dollaryn quraıdy. Bul týraly búgin Astanada ótip jatqan VII Astana ekonomıkalyq forýmynyń aıasyndaǵy «Eýrazııalyq kólik júıesi jahandyq básekelestik jaǵdaıynda» atty paneldik sessııada "Qazaqstan temir joly" UK" AQ prezıdenti Askar Mamın aıtty.
"Kólik ınfraqurylymy men logıstıka aktıvterin damytý jáne jetildirý úshin salynatyn ınvestıtsııanyń jalpy kólemi 2020 jylǵa deıin 45 mlrd AQSh dollaryn quraıdy. Bul 2020 qaraı bizge Qazaqstan terrıtorııasynan ótetin tranzıttik júk tasymalyn eki esege deıin arttyrýǵa, al tranzıtten túsetin paıdany úsh esege kóbeıtýge múmkindik týǵyzady. Bul maqsattar oryndalyp, jańa logıstıka júıesin qura alsaq, 20 myńnan astam jumys orny ashylady", - dedi ol.