2020 jylǵa deıin elimizdiń barlyq mektepteri keńjolaqty ınternetke qosylady
Bul týraly búgin QR Parlamenti Senatynyń depýtattarymen kezdesý barysynda «Qazaqtelekom» AQ Basqarma tóraǵasy Qýanyshbek Esekeev málim etti.
«Búgingi kúni elimizde 7 myń 518 mektep bolsa, onyń 7 myń 479-y telefon baılanysymen qamtylǵan. Bul rette aýyldyq jerlerdegi 2-3 saǵattyq oqytý jumystary júrgiziletin mektepterdi qosyp otyrǵan joqpyz, biraq aldaǵy ýaqytta olardy da baılanys telefondarymen qamtamasyz etýge bolady. Al ınternetpen qamtylǵan mektepterdiń sany 7 myń 194. Onyń ishinde keń jolaqty ınternet 3 myń 262 mektepke qamtylǵan. Bul barlyq mekteptiń 45,3 paıyzy», - deıdi Q. Esekeev.
Onyń aıtýynsha, 5 myń 899 aýyldyq mektepterdiń 5 myń 860-y telefon baılanysyna qosylǵan. Bul rette aýyldyq mektepterdiń ınternet qyzmetine kirikkeni 5 myń 613-ti, onyń ishinde keń jolaqty ınternetpen qamtylǵany 29 paıyz bolyp otyr.
«Biz Bilim jáne ǵylym mınıstrligimen, Baılanys jáne aqparat mınıstrligimen memorandým jasasyp jatyrmyz. Ol boıynsha jaqyn jyldary keń jolaqty ınternetke barlyq deńgeıdegi mektepterdiń qoljetimdiligi arta túsedi. Іs-sharalar josparyna sáıkes, 2020 jylǵa deıingi aralyqta elimizdiń barlyq mektepteri 4-10 Mgb jyldamdyǵyndaǵy keń jolaqty ınternetke qosylady», - deıdi Q. Esekeev.