2020 jylǵa deıin Astanada 50 myńǵa jýyq páter tapsyrylady
Bul týraly Astanada qalalyq máslıhattyń kezekti sessııasy barysynda elordadaǵy turǵyn úı qurylysynyń jaı-kúıi men ony damytý bolashaqtary týraly máseleni talqylaý barysynda qala ákiminiń birinshi orynbasary Sergeı Horoshýn málim etti.
Onyń aıtýynsha, elorda ákimdigi búgingi kúni 2020 jylǵa deıingi turǵyn úı men ınjınerlik-kommýnıkatsııalyq ınfraqurylym qurylysy boıynsha usynystardy qarap shyqqan. Osy maqsatqa qala aýmaǵynan 300 gektar jer rezervke qoıyldy.
«Memlekettik qarjylandyrýdy josparlaý kólemine kelsek, 2020 jylǵa deıin Astanada tapsyrylatyn úılerdiń aýdany 2,5 mln. sharshy metrdi quraıdy. Bul shamamen 49 600 páter degen sóz», - dedi S. Horoshýn.
Bul rette Astana ákimdigi 735 myń sharshy metr turǵyn úı nemese 14,5 myń páter, al «Samuryq-Qazyna» jyljymaıtyn múlik qory - 808 myń. sharshy metr nemese 16 myń páter, «Qazaqstandyq ıpotekalyq kompanııa» AQ - 352 myń sharshy metr nemese 7 myń páter salady. Budan bólek, apatty jáne eski úılerdi buzý baǵdarlamasy boıynsha 608 myń sharshy metr nemese 12 myń páter salynady dep josparlanýda.
«Bıýdjet qarjysy esebinen jyl saıyn orta eseppen 300 myń sharshy metr turǵyn úı beriledi. Bul negizinen paıdalanýǵa beriletin úılerdiń jalpy kóleminiń 20 aıyzyn ǵana quraıdy. Osyǵan oraı, jyl saıyn Astanada 1,5 mln. sharshy metr turǵyn úı tapsyrý josparlanǵan», - dedi ákim orynbasary.