2020 jyldyń jer jáne múlik salyqtaryn qalaı tóleımiz

NUR-SULTAN. QazAqparat - Salyq zańnamasyna engizilgen ózgeristerge sáıkes 2020 jylǵy 1 qańtardan bastap jeke tulǵalardyń menshik quqyǵyna tıesili jer ýchaskeleri jáne jyljymaıtyn múlik boıynsha salyqtar jeke tulǵalardyń múlkine biryńǵaı salyqqa biriktirildi. Bul týraly QR QM Memlekettik kirister komıtetinde habarlady.

Osyǵan baılanysty salyqtyń eseptelgen somasy jyljymaıtyn múlik pen jer ýchaskesi boıynsha mindettemelerdi qamtıdy jáne biryńǵaı somamen tólenedi.

«2020 jylǵa múlik salyǵyn tóleý merzimi 2021 jylǵy 1 qazanda aıaqtalady», - delingen komıtet habarlamasynda.

Múlik salyǵynyń somasyn ony tóleý merzimi bastalǵanǵa deıin daıyn derektemeler boıynsha bir mezgilde tólem júrgizý múmkindigimen «E-salyq Azamat» mobıldi qosymshasynda, sondaı-aq Kaspi.kz jáne Homebank bankteriniń mobıldi qosymshalarynda kgd.gov.kz «Aldaǵy tólemder» servısinen bilýge bolady.

Budan basqa, salyq salý obektileri boıynsha aqparatty «E-salyq Azamat» mobıldi qosymshasynyń «Salyq ámııany» bóliminde kórýge nemese osyndaı obektilerdiń ornalasqan jeri boıynsha Memlekettik kirister basqarmasyna júginýge bolady.