2020 jyldyń kólik salyǵy qandaı AEK-pen esepteledi
Bıyl kólik salyǵynyń tóleý merzimi sáýirge shegerilgendikten, onyń mólsheri qaı jyldyń aılyq eseptik kórsetkishimen esepteletinin túsinbeı jatqandar kóp. Memlekettik kirister komıtetiniń óndiristik emes tólemderdi, jeke tulǵalardy ákimshilendirý jáne arnaıy salyq rejımi departamentiniń dırektory Azamat Sadyqov atalmysh máselege taǵy da toqtalyp, salyq esepteý tártibin túsindirdi.
«Kólik salyǵyn esepteý kezinde salyq eseptelgen salyq kezeńine, ıaǵnı 2020 jylǵy 1 qańtarǵa qoldanylatyn AEK qoldanylady. Atap aıtqanda, biz 2020 jylǵa kólik salyǵyn eseptedik, ol kezde AEK 1 qańtarǵa 2 651 teńgeni quraǵan bolatyn», - dedi Azamat Sadyqov ortalyq kommýnıkatsııalar qyzmetinde.
Eske salsaq, buǵan deıin basqa qalaǵa kóshken kólik ıeleri salyqty qandaı mekenjaı boıynsha tóleıtinin jazǵan bolatynbyz.