2020 jyldyń 7 aıynda 743 myń adam jumysqa ornalastyryldy
«Bıyl 1 mln 200 myń adamdy jumyspen qamtý sharalaryna tartýdy josparlaǵan edik. Bul rette eń basty baǵdarlama - «Eńbek« baǵdarlamasy aıasynda 600 myń adamdy jumyspen qamtý kózdelse, búgingi kúnge 379 myń adam jumysqa ornalasty», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, álemdi sharpyǵan koronavırýs indetine baılanysty elimizdiń Úkimet daǵdarysqa qarsy sharalar ázirlegen. Sondaı sharalardyń biri - «Jumyspen qamtý» jol kartasy. Atalǵan jol kartasy asynda 255 myń adamdy jumysmen qamtý josparlanǵan.
«Búgingi kúnde 7 aıdyń qorytyndysy boıynsha 154 myń adam jumyspen qamtylyp otyr. Sonymen birge elimizde «Nurly jer», «Nurly jol» syndy kóptegen memlekettik baǵdarlama qabyldandy. Osy baǵdarlamalardyń aıasynda 364 myń azamatty jumyspen qamtýdy josparlaǵan edik. Qazirgi tańda atalǵan baǵdarlamalardy iske asyrý barysynda 210 myń adam jumysqa ornalasty. Barlyǵyn qosa eseptegende 743 myń adam jumyspen qamtylyp otyr«, - dedi Serik Shapkenov.