2020 jyldan beri bilim salasynda 11 mlrd teńge urlandy - Antıkor

ASTANA. QazAqparat - Sońǵy úsh jylda memleket bilim berý salasyn damytýǵa 12,1 trln teńge baǵyttaǵan, bul 2021-2023 jyldarǵa arnalǵan memlekettik bıýdjettiń barlyq shyǵystarynyń 28 %-yn quraıdy, dep habarlaıdy QazAqparat.

Antıkordyń málimetinshe, aǵymdaǵy jyly salany qarjylandyrý eki esege ósip, 5 trln teńgege jetti.

«Pedagog mártebesi týraly» Zań qabyldanyp, muǵalimderdiń jalaqysy eki esege, al ǵylymı dárejesi men sabaqtan tys sabaqtary bolǵan jaǵdaıda – úsh esege arttyrýǵa múmkindik berildi. Prezıdent qoǵamdaǵy pedagog mártebesi men bedelin odan ári arttyrý boıynsha baǵytyn belgiledi. Sonymen qatar, sybaılas jemqorlyq kórinisteri pedagogterdi áleýmettik qoldaýdyń barlyq memlekettik sharalaryn teńestiredi. Máselen, 2020 jyldan bastap bilim berý salasynda 343 sybaılas jemqorlyq quqyq buzýshylyq tirkeldi, olardy jasaýda 255 adam áshkerelendi», - dep jazdy vedomstvodan.

Osy ýaqyt ishinde memleketke keltirilgen zalal shamamen 11 mlrd teńgeni qurady.

«Antıkorrýptsııalyq qyzmet bilim berý salasyndaǵy sybaılas jemqorlyq táýekelderine syrtqy taldaý júrgizdi. Taldaý osy saladaǵy sybaılas jemqorlyqtyń júıeliligin kórsetedi. Negizgi nazar bilim berý bıýdjetiniń 70%-ǵa jýyǵy jiberiletin eńbekaqy tóleý qoryna aýdaryldy. Osy jumystyń nátıjesinde bıýdjet qarajatyn urlaýdyń josparlaýdan bastap ıgerýge deıingi barlyq shemalary ashyldy», - delingen Antıkor habarlamasynda.