2020 jyldan bastap myńnan asa aýyldyq okrýg bıýdjettiń IV deńgeıine ótedi – mınıstr
«Búgin mańyzdy másele qarastyrylýda, ıaǵnı ol Qazaqstan Respýblıkasynda jergilikti ózin-ózi basqarýdy damytý máselesi. Ózin-ózi basqarýdyń negizgi elementi – derbes bıýdjet. Jergilikti ózin-ózi basqarý bıýdjetin qurýdyń negizgi maqsaty – máselelerdi sheshýde ózin-ózi basqarý organdarynyń derbestigin arttyrý. Bul rette qoǵamdastyqtyń jınalystary men jıyndary arqyly naqty aýmaq turǵyndarynyń múddeleri eskeriledi. Bul shara Ult josparynyń 98-qadamyn oryndaý úshin kózdelgen. Aýdandyq mańyzy bar qala, aýyl, kent, aýyldyq okrýg deńgeıinde derbes bıýdjet engizildi, ol kezeń-kezeńmen júrgizilýde», - dep toqtaldy mınıstr Parlament Májilisindegi Úkimet saǵatynda.
Onyń sózine qaraǵanda, jergilikti ózin-ózi basqarý organdaryn damytý jóninde odan ári sharalar pysyqtalýda. Ol Memleket basshysynyń saılaý aldyndaǵy baǵdarlamasyn iske asyrý úshin atqarylýda.
«Buryn bıýdjettik júıe úsh deńgeıden bolǵan: respýblıkalyq bıýdjet, oblystardyń, respýblıkalyq mańyzy bar qalalardyń, astananyń bıýdjeti jáne aýdandyq bıýdjet (oblystyq mańyzy bar qala bıýdjeti). Aýyldyq okrýgter (aýdandyq mańyzy bar qalalar, aýyldar, kent, aýyldyq okrýgter) aýdandyq bıýdjetten qarjylandyrylǵan. Endi 2018 jyldan bastap jańa bıýdjettiń IV deńgeıi engizildi. Bul aýdandyq mańyzy bar qala, aýyl, kent, aýyldyq okrýg bıýdjeti. Qazir 1055 osyndaı bıýdjet bar. ıAǵnı, bıýdjet júıesi tórt deńgeıli boldy», - dep atap ótti R. Dálenov.
Vedomstvo basshysynyń aıtýynsha, 2018 jylǵy 1 qańtardan bastap bıýdjetti IV deńgeıi halyq sany 2 myńnan asatyn 1055 aýyldyq okrýgte engizildi. Bul qazirgi barlyq aýyldyq okrýgterdiń 44 paıyzyn quraıdy. 2020 jyldan bastap qalǵan 1 338 aýyldyq okrýgte engiziletin bolady.
«Jergilikti ózin-ózi basqarý bıýdjetin qalyptastyrý úshin ne qajet? Bul eń aldymen kiristerdi qalyptastyrý, shyǵystardy bólý, sondaı-aq kommýnaldyq menshikti basqarý. Bıýdjet kiristeri 7 túrli salyqtyq túsimderden, túrli tólemderden, aıyppuldar men aýdandyq bıýdjetten bólinetin transfertterden quralady. Olar aýyl bıýdjetine tikeleı túsedi. Shyǵys bóligi boıynsha 19 baǵytta ókilettikter paıda boldy. Budan basqa, «jergilikti ózin-ózi basqarýdyń kommýnaldyq menshigi» ınstıtýty quryldy», - dedi Rýslan Dálenov.