2019 jyly jataqhanalarda 5 myń jańa oryn paıdalanýǵa beriledi

ASTANA. QazAqparat - Bilim jáne ǵylym mınıstrligi kelesi jyldyń sońyna deıin jataqhanalarda 5 myń jańa oryndy paıdalanýǵa berýdi josparlap otyr, dep habarlaıdy QazAqparat tilshisi.

«Jataqhanalar týraly aıtar bolsaq, ózderińiz biletindeı, Prezıdenttiń «Bes áleýmettik bastamasy» aıasynda taldaý jumystary júrgizilgen bolatyn. Bizge Joǵary oqý oryndary men kolledjderdi eseptegende jalpy sany jataqhanalardan 90 myń oryn kerek. Qazirgi deıin jatauhana qurylysy úshin 171 jer ýchaskesi bólinip qoıdy. Jergilikti atqarýshy organdar bul jumysqa belsendi túrde atsalysyp, bizdiń josparymyz boıynsha, 2019 jyldyń sońyna deıin jataqhanalardaǵy 5 myń jańa oryndy qoldanysqa engizemiz dep otyrmyz», - dedi Bilim jáne ǵylym vıtse-mınıstri Ashat Aımaǵambetov elordada ótip jatqan «Nur Otan» partııasy bastaýysh uıymdarynyń respýblıkalyq forýmynda.

Onyń aıtýynsha, qazirdiń ózinde kelisim sharttarǵa sáıkes naqty ınvestorlar bolǵandyqtan, jumys ary qaraı jalǵasa beretin bolady.

Eske sala ketsek, elordada búgin «Nur Otan» partııasy bastaýysh uıymdarynyń respýblıkalyq forýmy ótip jatyr. Іs-sharaǵa elimizdiń barlyq óńirlerinen kelgen 600-den astam delegat qatysýda. Olardyń qatarynda bastaýysh partııa uıymdary men aımaqtyq partııa fılıaldarynyń basshylary, belsendi partııa músheleri bar. Odan bólek, forýmǵa belgili otandyq jáne sheteldik sarapshylar, Úkimet músheleri, Parlament depýtattary arnaıy qatysyp, partııa jumysyn jan-jaqty jandandyrý máselesin talqylaýda.