2019 jyly jastarǵa qansha páter beriledi

NUR-SULTAN. QazAqparat - QR Parlamenti palatalarynyń birlesken otyrysynda QR Aqparat jáne qoǵamdyq damý mınıstri Dáýren Abaev Jastar jylynda iske asyrylatyn jobalar týraly aıtyp berdi, dep habarlaıdy QazAqparat tilshisi.

Mınıstr bıylǵy jyl Elbasynyń sheshimimen Jastar jyly bolyp jarııalanǵanyn eske saldy. Osy oraıda aǵymdaǵy jyly 89 jobany iske asyrý qarastyrylǵan.

«Atap aıtqanda, Indýstrııa jáne ınfraqurylymdyq damý mınıstrligimen birlesken joba boıynsha jumys isteıtin jastar úshin iri qalalarda bir myń páter beriledi. «Jastar - el tiregi» jobasy aıasynda, «Jas maman» jáne «Jas kásipker» jobalary aýqymynda, ıaǵnı Bidim jáne ǵylym mınıstrligimen, Eńbek jáne halyqty áleýmettik qorǵaý mınıstrligimen birlese otyryp bir mıllıonǵa jýyq jas azamattarymyz qamtylady», - dedi mınıstr.

Osy oraıda D. Abaev atalǵan jobalar aıasynda jastar biliktilikti arttyrý sharalarymen qamtylatynyn, ózderiniń bıznesterin ashý úshin shaǵyn nesıeler alatynyn atap ótti.