2019 jyly UBT-da qandaı ózgerister bolady jáne grant qalaı taǵaıyndalady

ASTANA. QazAqparat - Joǵary oqý oryndarynyń akademııalyq jáne basqarý derbestigin keńeıtý aıasynda 2019 jyldan bastap memlekettik bilim  granttary bilim baǵdarlamalarynyń toptary boıynsha taǵaıyndalatyn bolady. Sondaı-aq, mamandardy daıarlaý baǵyttarynyń jańa klassıfıkatory engizilip otyr, dep habarlaıdy QazAqparat Bilim jáne ǵylym mınıstrliginiń baspasóz qyzmetine silteme jasap.

Búgingi kúnge deıin elimizdiń joǵary oqý oryndarynda mamandyqtar tizimi naqty kórsetilgen klassıfıkator paıdalanyldy. 2019 jyldan bastap jańa klassıfıkator engiziledi. Onda mamandyqtardyń naqty tizimi emes, mamandardy daıarlaý baǵyty kórsetiletin bolady. Sáıkesinshe, elimizdiń joǵary oqý oryndary derbes bilim baǵdarlamalaryn jasap alady.

«Osyǵan oraı, memlekettik bilim granttary bilim baǵdarlamalarynyń toptary boıynsha taǵaıyndalady. Máselen, «Matematıka páni muǵalimderin daıarlaý» tobyna «Matematıka», qosarlanǵan «Matematıka-Fızıka», «Matematıka-Informatıka» mamandyqtary kiredi. Al, «Aqparattyq tehnologııalar» tobyna - «Informatıka», «Aqparattyq júıeler» jáne taǵy basqalary enedi. ıAǵnı, bilim granttarynyń taǵaıyndalýy burynǵydaı mamandyq boıynsha emes, bilim baǵdarlamalarynyń toptary boıynsha júzege asyrylmaq. Grant utyp alǵan soń talapker JOO-ǵa tańdaǵan bilim baǵdarlamasy boıynsha tirkelip, JOO-ǵa qujattaryn tapsyrý kezinde ózi tańdaǵan mamandyq boıynsha bilim alady», - delingen habarlamada.

BǴM baspasóz qyzmetiniń málimetinshe, 2019 jyly UBT formaty esh ózgerissiz qalady. Oqýǵa túsýshi dástúrli túrde 3 mindetti pán (Qazaqstan tarıhy, matematıkalyq saýattylyq, oqý saýattylyǵy) jáne 2 beıindik pán boıynsha testileýden ótedi.

«Biraq, bıyldan bastap UBT jylyna 4 ret - qańtar, naýryz, maýsym, tamyz aılarynda ótkizilmek. Qańtar, naýryz, tamyzda ótetin testileýdi tapsyrý arqyly talapker JOO-nyń tek aqyly bólimine túsýge múmkindik alady. Al, memlekettik bilim grant konkýrsyna qatysý úshin mindetti túrde maýsym aıynda ótetin Ulttyq biryńǵaı testileýge qatysýy tıis. JOO-nyń aqyly bólimine oqýǵa túsý úshin talapkerge jylyna 4 ret ótkiziletin UBT-nyń kez kelgenine qatysyp, shekti ball jınaý jetkilikti» dep málim etti mınıstrlikten.

Qańtar, naýryz aılarynda ótetin testileýdi talapker UBT ótkiziletin ózine yńǵaıly kez kelgen pýnktide tapsyra alady. Tek testileýge qatysý úshin UBT ótkizý pýnktine kórsetilgen merzimde ótinish berý qajet.