2019 jyly «Şýche-Zerendi» avtojoly tolyq tóselip bitedi
«QazAvtoJol» UK» AQ málimetine qaraǵanda, bul jumystardy 2019 jyly aıaqtaý josparlanýda. Sonymen qatar Qorǵaljyn tabıǵı qoryǵyna aparatyn «Astana-Qorǵaljyn» avtojoly ýchaskesine aǵymdaǵy jyly ortasha jóndeý júrgizilýde.
Munymen qosa, Şýche-Býrabaı avtojolynyń 16 shaqyrymy ortasha jóndeýmen qamtylǵan. Býrabaı eldi mekeniniń ortalyǵynda 2 shaqyrym jol ýchaskesiniń mańaıyndaǵy aýmaǵyn abattandyrýmen qosa jóndeý júrgizilgen. Jaıaý júrginshiniń qaýipsizdigi jáne jaılylyǵy úshin túngi ýaqytta jaryqpen qamtamasyz etilgen, turǵyndardyń jáne týrısterdiń demalysy úshin oryndyqtar ornatyldy.
Qozǵalystyń qarqyny men avtokólikterdiń kóp shoǵyrlanatyndyǵyn eskere otyryp, jeńil avtokólikter úshin avtoturaqtar salyndy. Qazirgi zamanǵa saı aıaldamalar jáne qorshaýlar turǵyzyldy. Osy kezde Býrabaı eldi mekenin abattandyrý boıynsha jumystar tolyq aıaqtaldy.