2019 jyly medıtsınalyq qyzmet tolyǵymen elektrondy formatqa kóshedi
Densaýlyq saqtaý salasyn tsıfrlandyrý jobasy ústimizdegi jyldyń 1 qańtarynda 4 oblysta pılottyq joba retinde qolǵa alyndy, al 1 shildeden bastap 17 aımaqta tsıfrlandyrý bastaldy.
Búginde pılottyq joba sheńberinde Qazaqstan medıtsınalyq uıymdarynda em alýshylardy tekserýden ótkizý men emdeý nátıjeleri, onyń ishinde buryn aýyryp jazylǵan sozylmaly aýrýlar, dárilik zattarǵa bolatyn allergııalyq reaktsııa, tamaqtaný, dıeta jáne taǵy basqa dárigerdiń usynystary týraly málimetterdi biriktiretin elektrondy densaýlyq saqtaý tólqujaty jasaldy.
«Pılottyq jobanyń nátıjesi kórsetkendeı, medıtsınalyq qyzmet kórsetýdegi qaǵazbastylyqtan arylý jetistikteri aýyz toltyryp aıtarlyqtaı. Buǵan deıin azamattar emhana, aýrýhanada joldama jáne ambýlatorlyq qujattaryn túgel arqalap, áýrege túsetin, endigi ýaqytta bir ǵana jeke kýálik arqyly tirkelýge de, em alýǵa da bolady. Aldaǵy mindet - osy jyldyń sońyna deıin barlyq oblys jáne aýdan ortalyqtaryn 100% kompıýter jáne ınternet qurylǵylarymen qamtamasyz etý. ıAǵnı 2019 jyldyń 1 qańtarynan bastap elimizdegi medıtsınalyq qyzmet kórsetý salasy qaǵazbastylyqtan bas tartyp, tolyǵymen elektrondyq júıege kóshedi», - dedi QR Densaýlyq saqtaý vıtse-mınıstri Oljas Ábishev OKQ-de ótken baspasóz máslıhatynda.
Sonymen qatar, vıtse-mınıstr qazir azamattar em alý úshin emhana men aýrýhanaǵa birneshe ret kelip-ketetinin aıtyp, tsıfrlandyrýdyń arqasynda olaı ary-beri sabylmaıtynyn sóz etti. Osy maqsatta elimizde halyqqa tsıfrlyq mashyqtardy úıretetin 546 ortalyq ashylyp, onda 6 mln-ǵa jýyq adam tsıfrlyq saýatyn asha alady.
«Ózderińiz biletindeı, qazir emdelý úshin keminde 2-3 ret emhanaǵa baryp, tıisti medıtsınalyq tekserýlerden ótý qajet. Biz júrgizgen pılottyq joba boıynsha patsıent bir ret qana tekseriledi, qalǵan málimetter men qajetti qujattardy onlaın nemese mobıldi qosymsha arqyly alýǵa jáne jiberýge bolady», -dedi ol.
Onyń aıtýynsha, 2022 jylǵa deıin ınternet múmkindigi joq aýdan jáne aýyldyq jerlerge QR Aqparat jáne kommýnıkatsııalar mınıstrligimen birlesip, ınternet jelileri tartylady. Odan basqa, elimizde ınternet jetkizý múmkindigi joq shalǵaı mekenderge Qorǵanys jáne aeroǵarysh ónerkásibi mınıstrlikterimen birlesip atqaratyn spýtnık qurylǵylar ornatylady.
Aıta ketsek, Elbasy N.Nazarbaev ústimizdegi jyldyń 5 qazanyndaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda 2019 jyldyń 1 qańtarynan bastap barlyq emhanalar men aýrýhanalar medıtsınalyq qujattardy qaǵazsyz, tsıfrlyq nusqada júrgizýge kóshýge tıis ekenin aıtqan bolatyn.