2019 jyly Qazaqstannyń JІÓ ósimi 3,3 paıyzǵa kóteriledi - EDB
«Qazaqstan ekonomıkasynyń jaǵdaıy jaqsy. Bizge keletin jobalarǵa kóz salsaq, úlken jobalardyń kelgenin rastaımyn. Jumys isteý (Qazaqstanmen - avt. eskertýi) óte yńǵaıly, sondyqtan,bul isti barlyq baǵyttar boıynsha ulǵaıtýdy kózdep otyrmyz» , - deıdi Eýrazııalyqdamý banki basqarmasynyń basshysy Andreı Belıanınov Eýrazııalyq BAQ-tyń ІІ sezi aıasynda jýrnalısterge bergen jaýabynda.
Onyń aıtýynsha, EDB bıyl Qazaqstan boıynsha «onnan kem emes jobany» qarastyryp jatyr.
Sonymen qatar, EDB taldaýshylarynyń boljamyna sáıkes, 2019 jyly Qazaqstannyń jalpy ishki óniminiń ósimi 3,3 paıyzdy quraıdy. Sondaı-aq, Qazaqstan Respýblıkasynyń ekonomıkasynyń orta merzimdi perspektıvada ósý qarqyny 3,5% deńgeıinde baǵalanady.
«2020 jyly JІÓ ósimin jedeldetý munaı óndirýdi qalpyna keltirýge múmkindik beredi. Bolashaqta ekonomıkadaǵy turaqty ınvestıtsııalar aǵymy men ónimdiliktiń ósýi, onyń ishinde, ulttyq baǵdarlamalarda kózdelgen damý saıasatyn júzege asyrý arqyly JІÓ ósýi turaqty bolady», - dep habarlady EDB.
2019 jyldyń sońyna qaraı Qazaqstandaǵy ınflıatsııa 4,3 paıyz deńgeıine deıin tómendeıdi dep kútilýde. 2020-2021 jyldary ınflıatsııa dınamıkasy Qazaqstan Ulttyq Bankiniń maqsatty dálizinde - 4-6 paıyz qalyptasady, bul boljamdy kezeńniń sońyna qaraı tómengi shekaraǵa birte-birte jaqyndaıdy.
Eýrazııalyq damý banki - oǵan múshe memleketterdiń naryqtyq ekonomıkasyn damytýǵa, olardyń turaqty ekonomıkalyq ósýine jáne ózara saýda-ekonomıkalyq baılanystardy keńeıtýge baǵyttalǵan 2006 jyldyń qańtarynda Reseı Federatsııasy men Qazaqstan Respýblıkasy qurǵan halyqaralyq qarjy uıymy. EDB jarǵylyq kapıtaly 7 mlrd AQSh dollaryn quraıdy. Bankke múshe memleketter - Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyz Respýblıkasy, Reseı Federatsııasy jáne Tájikstan Respýblıkasy.
EDB aktıvteriniń kólemi 2019 jylǵy 1 sáýirdegi jaǵdaı boıynsha 4,161 mln AQSh dollaryn, kapıtaly - 1 770 mln dollardy, qazirgi ınvestıtsııalyq portfeli - 3 631 mln dollardy quraıdy.