2019 jyly Almaty oblysynda 26 mektep salý josparlanyp otyr

TALDYQORǴAN. QazAqparat - Qazirgi tańda Almaty oblysynda 2019 jyly 15 mekteptiń qurylysyn bastaý úshin jobalyq-smetalyq qujattar ázirlenip, aıaqtalýǵa jaqyn. Amandyq Batalov qaramaǵyndaǵylarǵa Prezıdent Joldaýynan keıin taǵy 11 mekteptiń qujattaryn ázirleýdi tapsyrdy, dep habarlaıdy QazAqparat tilshisi.

Oblystaǵy úsh aýysymdy mektepter máselesin sheshý maqsatynda A. Batalov osy salaǵa jaýapty Almaty  oblysy ákiminiń birinshi orynbasary Lıazzat Turlashovqa, qurylys jáne bilim basqarmalarynyń basshylaryna naqty tapsyrma berdi. ıAǵnı, 11 mekteptiń jobalyq-smetalyq qujattaryn  daıyndaýdy júktedi.

«Qujat daıyndaýdy jyldamdatý kerek. Keler jyly biz úsh aýysymda bilim beretin mektepterdiń sanyn azaıtý úshin jobalyq-smetalyq qujattardy daıyndap, respýblıkadan qarjy bóliný úshin tezirek ótkizýimiz kerek. Máselen, qazir 15 mekteptiń qujaty daıyndalyp jatsa, oǵan qosymsha taǵy 11 mekteptiń smetasyn daıyndaýdy tapsyramyn. Bul másele meniń tikeleı baqylaýymda bolady. 2019 jyldyń bıýdjetinen jalpy 26 jańa mekteptiń  qurylysyna qarjy qarastyrý úshin jyldam jumys isteýimiz kerek»,-  dedi A. Batalov.

Aıta keteıik, búgingi tańda Almaty oblysynda úsh aýysymda bilim beretin mektepter sany 34-ke jetken. 2017 jyly 33 jańa mektep paıdalanýǵa berilgenimen, óńirde úsh aýysymdy bilim oshaqtarynyń sany áli de azaımaı tur. Amandyq Batalov bul jaıtty oblystaǵy demografııalyq ósimmen jáne ishki mıgratsııalyq jaǵdaımen baılanystyrady. Onyń sózinshe, Jetisý jerinde jylyna 50 myńnan  asa sábı dúnıege kelip jatyr.  

Esterińizge sala keteıik, búgin Taldyqorǵanda Elbasy Joldaýyn talqylaýǵa arnalǵan aktıv jıyny ótti. Oǵan Almaty oblysynyń barlyq aýdan, qala ákimderi men basqarma basshylary qatysty. Jıynǵa Amandyq Batalov tóraǵalyq etti.