2019 jylǵy hımııadan Nobel syılyǵy lıtıı-ıon batareıasyn jasaǵandarǵa berildi
16:29, 09 Qazan 2019
NUR-SULTAN. QazAqparat - Bıyl hımııadan Nobel syılyǵy lıtıı-ıon batareıasyn jasaǵandarǵa beriledi, dep habarlaıdy QazAqparat nobelprize.org saıtyna silteme jasap.
2019 jylǵy syılyqty hımıkter - Djon Gýdenaf (John B. Goodenough), Stenlı Ýıttıngem (Stanley Whittingham) jáne Akıra Esıno (Akira Yoshino) alatyn boldy. Olar lıtıı-ıon akkýmýlıatorlaryn ázirlegen.
Laýreattardyń esimin jarııalaý saltanatynyń translıatsııasy syılyqtyń resmı saıtynda tikeleı kórsetildi.
Al syılyqty tabystaýdyń resmı saltanaty Alfred Nobel qaıtys bolǵan kúni - 10 jeltoqsanda Stokgolmde bolady. Laýreattarǵa marapatty Shvetsııa koroli Karl XVI Gýstav tabystaıdy.
Aıta keteıik, 2019 jylǵy syılyqtyń kólemi shamamen bir mıllıon dollarǵa jýyq. Úsh hımık sony bólip alady.