2019 jylǵa deıin Qazaqstanda temeki jáne alkogol aktsızderi edáýir qymbattamaq
«Alkogol jáne temeki ónimderine aktsızderdiń fıskaldyq fýnktsııasyn kúsheıtý úshin onyń mólsherlemesin satylap ulǵaıtý kerek. Qazirgi qoldanystaǵy Salyq kodeksinde aktsızdik salyq mólsherlemeleriniń ólshemi 2014-2016 jyldarǵa ǵana belgilengen, al 2017-2019 jyldarǵa belgilenbegen. Alkogoldik ónimniń 1 lıtri úshin: 2017 jyly - 2000 teńge, 2019 jyly - 2 550 teńgege deıingi aktsızdik mólsherlemeni belgileý usynylyp otyr. 2016 jylmen salystyrǵanda, ósim - 85 paıyzdy quraıdy. Al syra jáne syra sýsyndarynyń 1 lıtri úshin 2017 jyly 39 teńge, 2019 jyly 57 teńgege deıin ósirý usynylady. 2016 jylmen salystyrǵanda ósim 219 paıyzdy quraıdy», - dedi Q. Bıshimbaev.
Temeki ónimderiniń 1000 danasy úshin aktsız 2017 jyly 6200 teńge bolsa, 2019 jyly 8700 teńgege deıin ósetin bolady.
«Sonymen qatar alkogol ónimderin eksporttaý kezinde qosarlanǵan salyq salýdy boldyrmaý jáne otandyq óndirýshilerdiń básekege qabilettiligin arttyrý úshin etıl spırti aktsıziniń nóldik mólsherlemesin belgileý usynylady», - dedi mınıstr.