2019 jyldan beri anasynyń azamattyǵy joq 1500 náreste tirkeýge alynǵan
BUU Bosqyndar isteri jónindegi Joǵarǵy komıssary basqarmasynyń baǵdarlamalyq máseleler jónindegi keńesshisi, Qazaqstandaǵy ulttyq keńseniń basshysy Irına Bilálova QR Іshki ister mınıstrligi ótkizgen onlaın brıfıngide osyndaı málimet keltirdi.
«Qazaqstan 2014 jyly sol kezdegi bosqyndar isi jónindegi Joǵarǵy komıssar, qazirgi BUU Bas hatshysy Antonıý Gýterrıshpen birge, «I belong» atty azamattyqsyzdyq problemasyn 2024 jylǵa deıin joıýǵa baǵyttalǵan jahandyq naýqanyn iske qosqan. Sodan beri Qazaqstan azamattyqsyzdyqtyń aldyn alý men retteý isinde aıtarlyqtaı tabysqa qol jetkizdi. 2019 jyly QR Parlamenti Neke jáne otbasy týraly kodekske medıtsınalyq mekemelerde týǵan balalardy ata-analarynyń quqyqtyq mártebesine qaramastan tirkeý rásimin reglamentteıtin ózgerister engizdi», - dedi.
Aıtýynsha, osy sharanyń arqasynda el aýmaǵynda dúnıege kelgen nárestelerge anasynyń azamattyǵy joq bolsa da, tirkeýge alynatyn bolǵan.
«Ádilet mınıstrliginiń málimeti boıynsha, 2019 jyldyń sońynan bastap 1500 bala anasynyń jeke basyn kýálandyratyn qujaty bolmasa da tirkeýge alyndy. 2020 jyly «Halyqtyń kóshi-qony týraly» QR Zańyna engizilgen túzetýler azamattyqty anyqtaý jónindegi ulttyq rásimderdi engizdi.
Atalǵan aktsııa barysynda respýblıka boıynsha 9 myńǵa jýyq azamattyǵy joq adam anyqtaldy. Bul 2014 jyldan bastap 2022 jylǵa deıingi aralyqta BUU-nyń seriktes uıymdary túzgen statıstıkadan kóp. ıAǵnı memleket pen azamattyq qoǵam ınstıtýttary arasyndaǵy birlesken áreket pen tyǵyz yntymaq bul problemany joıýda sheshýshi faktor bola alatynyn kórsetti», - dedi BUU ókili.