2018 jyly poıyz bıletterin satyp alýda qandaı jeńildikter bolady

ASTANA. QazAqparat - «Jolaýshylar tasymaly» AQ basqarma múshesi Almas Aıtpaev 2018 jyldyń sońyna deıin poıyz bıletterine qandaı jeńildikter bolatynyn aıtyp berdi, dep habarlaıdy QazAqparat tilshisi.

«Aldaǵy ýaqytta elektrondy bıletter úlesi kóbeıe túsedi. Jolaýshylar tasymaly kólemine keler bolsaq, ózge temirjol ákimshilikterin, jeke tasymaldardy qosqanda jylyna 24 mıllıon jolaýshyny tasyp júrmiz. Áýe nemese avto sekildi ózge kóliktermen básekelestikke qaramastan, bul kólem saqtalady», - dedi Almas Aıtpaev.

Sondaı-aq, basqarma ókili temir jol kóligimen júrý bıletterin arzandatý máselesine de toqtaldy.

«Bılet quny boıynsha 2018 jyly «Tulpar-Talgo» poıyzdarynyń bıletine yńǵaıly jáne retteletin tarıfter júıesi engiziledi. ıAǵnı, bıletti erte satyp alǵan jaǵdaıda 20-25%-ke deıin jeńildikter beriledi», - dep túsindirdi Almas Aıtpaev.