2018 jyly memlekettik qyzmetten 135 adam qýyldy
«Jalpy, ótken jyly sybaılas jemqorlyq sebepteri men oǵan alyp keletin jaǵdaılardy joıý boıynsha (QR Qylmystyq protsestik kodeksiniń 200-babyna sáıkes) memlekettik organdar men uıymdarǵa 2053 usynym joldanǵan edi. Naqtyraq aıtqanda, ishki ister organdaryna - 862, ákimdikterge - 584, memlekettik kiris bólimshelerine - 99, densaýlyq saqtaý mınıstrligine - 30, aýyl sharýashylyǵy mınıstrligine - 33 usynym berildi», - dep málim etti búgingi brıfıng barysynda Memlekettik qyzmet isteri agenttigi ulttyq bıýrosynyń Astana qalasy boıynsha departamentiniń erekshe mańyzy bar isteri boıynsha ofıtseri Baýyrjan Balǵabekov.
Onyń aıtýynsha, tekserister nátıjesinde 1211 laýazymdy tulǵa túrli tártiptik jaýapkershilikke tartylǵan. Onyń 135-i memlekettik qyzmetten shyǵarylsa, 76-sy laýazymynan bosatylǵan. 190 adamǵa qyzmettik talapqa saı emes ekeni anyqtalyp, 281-ne qatań sógis berilgen.
«Aımaqtyq deńgeıde sol sekildi 1067 usynym qaraldy. Onyń ishinde ákimdik bólimshelerine qatysty - 332, ishki ister organdaryna - 380, ádilet vedomstvolaryna - 24, sondaı-aq memlekettik kiris bólimshelerine qatysty - 43, kvazımemlekettik sektor sýbektilerine - 44 jáne memlekettik organdardyń ózge aýmaqtyq bólimderine qatysty - 51. Osy tájirıbeni ary qaraı jalǵastyratyn bolamyz», - dep habarlady sybaılas jemqorlyqqa qarsy kúres qyzmetiniń ókili.