2018 jyly medıtsınalyq saqtandyrý qoryna 133 mlrd teńge tústi

ASTANA. QazAqparat - 2018 jyly Áleýmettik medıtsınalyq saqtandyrý qoryna 133 mlrd teńgeden astam jarna tústi. Somanyń basym bóligi Astana, Almaty qalalary jáne Qaraǵandy oblysynan túsken, dep habarlaıdy QazAqparat.

«2018 jyldyń 1-31 jeltoqsany aralyǵynda MÁMS qoryna 10,4 mlrd teńge aýdaryldy. «Júıe iske qosylǵan 2017 jyldyń 1 shildesinen 2018 jyldyń 31 jeltoqsanyna deıingi aralyqta jınaqtalǵan jarnanyń jalpy somasy 133 mlrd teńgeni qurady», - delingen «Áleýmettik medıtsınalyq saqtandyrý qory» KEAQ qoǵammen baılanys departamentiniń habarlamasynda.

Onyń 124,3 mlrd teńgesi (shamamen 93,5%) jumys berýshilerdiń aýdarymdary bolsa, qalǵan 8,7 mlrd teńgesi (6,5% jýyǵy) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.

Aımaqtyq turǵydan alǵanda, jarna tóleý jaǵynan burynǵydaı Almaty, Astana qalalary men Qaraǵandy oblysy kósh bastap tur. Jınaqtalǵan qarjy Ulttyq bankte saqtalady.

Bolashaqta MÁMS paketi sheńberindegi qyzmetter aqysyn tóleýge jumsalmaq. Elimizdiń bas banki qarjyny senimgerlik basqarý týraly kelisimdi bekitti.