2018 jyly Qazaqstanda negizgi kapıtalǵa salynǵan ınvestıtsııalar kólemi 17,2% artty

ASTANA. QazAqparat -Qazaqstanda negizgi kapıtalǵa salynǵan ınvestıtsııalar kólemi 2018 jyldyń qańtar-jeltoqsan aılarynda 2017 jylǵy kórsetkishten 17,2% artyp, 11 130,1 mlrd teńgege jetti, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Esepti kezeńde ınvestıtsııalardyń negizgi kózderi sharýashylyq júrgizetin sýbektilerdiń jeke qarajattary boldy. Olardyń jıyntyq kólemi 8135,4 mlrd teńgeni qurady. Byltyr mashına, qondyrǵylar, kólik quraldaryn, aspaptar satyp alý jáne olardy jóndeýge baǵyttalǵan ınvestıtsııalyq salymdardyń birshama óskeni baıqaldy.

Negizgi kapıtalǵa salynǵan ınvestıtsııalardyń basym bóligi taý-ken ónerkásibi jáne kenderdi paıdalaný (40,4%), jyljymaıtyn múliktermen júrgiziletin operatsııalar (12,8%), kólik jáne qoımada júk saqtaý (12,7%) salalarynyń úlesine týra keledi.

Іri kásiporyndardyń ınvestıtsııalyq salymdarynyń kólemi 6095,8 mlrd teńgeni qurady.